Jakupscena

Jakupscena er ein konsertserie for folkemusikk og folkedans i Lom og Skjåk som formidlar arrangement av høg kvalitet. Namnet Jakupscena kjem av den kjende spelemannen Fel-Jakup som var mykje i både Lom og Skjåk i si tid. Konsertserien starta i 2021, då det var 200 år sidan Fel-Jakup vart fødd. Jakupscena arrangerer ca. seks konsertar/danseforestillingar/barnearrangement i løpet av året, der arrangementa vil finne stad i ulike lokale i både Lom og Skjåk. Eit av hovudfokusa til Jakupscena er å aktivt involvere barn og unge. På kvart arrangement vil vi presentere eit knippe unge, lokale folkemusikk- og folkedanstalent.